Ég ætla rétt að vona að íslensk þjóð sjái í gegnum þetta ofurvald peningafólksins

Haraldur Bjarnason Akurnesingur skrifaði:

Fyrir alla muni hættið nú þessu bulli. Það er löngu komið nóg og ótrúlegt langlundargeð stjórnarþingmanna gagnvart málþófi stjórnarandstæðinga. Ef fyrirtækin eru að minnka fjárfestingar er það fyrst og fremst til að þau geti greitt eigendum sínum áframhaldandi ofurarð. Siðustu árin hafa fjárfestingar þeirra að stórum hluta verið í óskildum atvinnugreinum svo yfirtakan verði algjör og völdin í þjóðfélaginu tryggð. Gleggstu dæmin um það eru fjölmiðlar (Mbl og Sýn).

Það er ótrúlegt að hærri veiðigjöld (úr 26 í ca 50 kr þorskkíló) ríði baggamuninn þarna fyrst útgerðirnar sjálfar eru að leigja frá sér kvóta, sem þær eiga ekki, á allt að 500 kr. kílóið.Ótrúlegt að sjá Óla apótekara og fyrrum knattspyrnumann á Akranesi í þessum hópi, sérstaklega í ljósi þess að hann var bæjarfulltrúi á Akranesi og veit hvernig stórútgerðin hefur hagað sér þar.

Ég ætla rétt að vona að íslensk þjóð sjái í gegnum þetta ofurvald peningafólksins.