- Advertisement -

Fæðingarorlof: Miðflokkur vill tólf núll

Berþór Ólason.
Skjáskot: RÚV.

„Við í Miðflokknum erum bara á móti því að þvæla málið með þessum hætti. Við viljum að þetta sé einfalt og gegnsætt og að hagsmunir barnsins séu í algerum forgangi. Þess vegna leggjum við til að farið verði í tólf, núll, ef svo má segja, að allir 12 mánuðirnir verði til frjálsrar ráðstöfunar,“ sagði Bergþór Ólason í umræðuni um fæðingarorlof.

„Rétt er að nefna að í umsögnum, m.a. frá landlæknisembættinu, Barnaheill, Ljósmæðrafélagi Íslands, Geðverndarfélagi Íslands og frá ótal mörgum ungum verðandi foreldrum, hefur verið talað skýrt fyrir auknum sveigjanleika. Ég held að við ættum að hlusta á þessi sjónarmið og draga úr forsjárhyggjunni sem hér er alltumlykjandi. Þegar rýnt er í gögnin kemur í ljós að lágmarks- og hámarksgreiðslur skipta í rauninni miklu meira máli en þessi skipting um það hvernig foreldrar nýta rétt sinn til fæðingarorlofs. Það sjáum við á þessum mánuðum sem eru til frjálsrar úthlutunar undir núverandi kerfi. Ég held að við ættum að einbeita okkur að þessum þáttum ef markmiðið er að ná fram vinnumarkaðslegum sjónarmiðum. Ég ítreka bara að við ættum að draga úr þeirri forsjárhyggju sem skín í gegn í því að skilyrða svona hátt hlutfall þessara réttinda hvoru foreldri fyrir sig.“


Tengdar fréttir sem þú gætir haft áhuga á að lesa: