Framundan eru mestu breytingar á barnaverndarlögum í tuttugu ár

Stjórnmál: Ágúst Ólafur Ágústsson, aðstoðarmaður Guðmundar Inga Kristinssonar barna- og menntamálaráðherra, sendi eftirfarandi frá sér:

Áramót er tími lista. Förum yfir 20 (vonandi áhugaverð) atriði sem hafa verið að gerast í mennta- og barnamálaráðuneytinu að undanförnu:

• 1. Nýtt meðferðarheimili út á landi fyrir drengi opnar núna í janúar og annað nýtt meðferðarheimili á höfuðborgarsvæðinu er á dagskrá og hefur nú þegar verið fjármagnað. Virkilega mikilvægt.
• 2. Löngu tímabærar endurbætur og uppbygging á Stuðlum eru tryggð í næstu fjárlögum. Auknar öryggisráðstafanir hafa nýverið verið innleiddar á Stuðlum og dögum í neyðarvistun fjölgað. Ekki síður stór skref.
• 3. Ráðherrann leggur fram mestu breytingar á barnaverndarlögum í 20 ár.
• 4. Ráðherrann lagði fram fyrsta frumvarpið um símafrí í skólum og hefur kallað eftir hækkun aldursmarka barna að samfélagsmiðlum.
• 5. Fyrsti menntamálaráðherra sem heimsækir alla opinberu framhaldsskólana í 15 ár, þar sem umfangsmestu stuðningsaðgerðir gagnvart skólunum í langan tíma voru kynntar.
• 6. Ráðuneytið hóf vinnu við fyrstu aðgerðaráætlun Íslands gegn fátækt barna en 10% þeirra búa við fátækt í okkar ríka samfélagi.
• 7. 500 milljónir settar í aðgerðir gegn ofbeldi gegn börnum.
• 8. Í fyrsta sinn fær afreksíþróttafólk laun fyrir vinnu sína sem íþróttafólk.
• 9. 500 milljónir settar í stuðning við börn af erlendum uppruna en til stóð að það dytti niður.
• 10. Framlög til Bergsins voru hækkuð.
• 11. Fyrsti langtímasamningur við Lýðskólann á Flateyri var gerður og fyrsta hækkun til skólans í 8 ár var tryggð.
• 12. Um 3 milljarðar settir í sérhæfða þjónustu fyrir börn með fjölþættan vanda.
• 13. Ráðuneytið réðst nýverið í fyrsta ytra mat á framhaldsskóla í tvö ár!
• 14. Frumvarp lagt fram um miðlægan gagnagrunn um nemendur sem gerir snemmtæk inngrip raunhæfari sem síðan dregur úr vanda síðar á skólagöngunni.
• 15. Ráðuneytið hóf vinnu við fyrstu ungmennastefnu Íslands.
• 16. Opnaður nýr vefur með verkfærum handa kennurum sem sinna börnum með erlendan bakgrunn.
• 17. Gerð forgangsaðgerða í samþykktri menntastefnu. Næsta ár verður „ár læsis“ en lestur er lykillinn að samfélaginu. Kveikja þarf neista víða.
• 18. Tryggt hefur verið eitt metnaðarfyllsta gervigreindarverkefni í heimi þar sem íslenskir kennarar fá einstakt aðgengi til að þróa þessa tækni í þágu kennslu.
• 19. Nýju „samræmdu“ prófin hefjast eftir 2 mánuði í öllum grunnskólum landsins. Margir foreldrar hafa beðið lengi eftir þessu.
• 20. Boðað er frumvarp um gjaldfrjáls námsgögn.

Auðvitað er margt ógert í svona viðkvæmum málaflokkum en þó hefur margt verið gert, á ekki lengri tíma.

En eitt er víst að málin verða vart mikilvægari.