Ég hins vegar hitti
fólk sem á ekki krónu fyrir matarbita 15. dag mánaðar.
Þuríður Harpa Sigurðardóttir, formaður Öryrkjabandalagsins, skrifar:
Enn trumpar ríkisstjórnin fram orðaglás um hversu miklu hún hafi áorkað í þágu almennings í landinu, hversu góð skattatillaga hennar er og verði þeim tekjulægstu til svo mikilla hagsbóta, hversu rausnarlega á að bæta í félagslega húsnæðiskerfið, hversu bótakerfin séu orðin góð.
Ég hins vegar hitti fólk og heyri í fólki sem ekkert á, sem verður að setja traust sitt á hina svokölluðu velferðastjórn, fólk sem á ekki krónu fyrir matarbita 15. dag mánaðar, fólk sem þarf að leita á náðir allskonar hjálparsamtaka til að bjarga sér með mat.
Ég veit að 6700 kr. skattalækkun mun ekki breyta neinu fyrir þetta fólk. Þessi sama velferðarstjórn hefur ekkert gert til að draga úr skerðingum öryrkja, ekkert gert til að hækka framfærslu fólks sem gert er að lifa af 248.000 kr. fyrir skatt. Hversu hár getur fílabeinsturn orðið?