Aðsend grein: Hrafn Magnússon skrifaði:
„Yfirlýsing sem oft er eignuð fyrrverandi utanríkisráðherra Bandaríkjanna, Henry Kissinger, varðandi skort á varanlegri vináttu í alþjóðasamskiptum er á þessa leið.
„Bandaríkin eiga enga varanlega vini eða óvini, aðeins hagsmuni“.
Þessi yfirlýsing Henry Kissinger er merkileg en segir allt sem segja þarf. Bandaríkin eru engin vinaþjóð okkar Íslendinga heldur eru það hagsmunir Bandaríkjanna sem ráða för. Þessi sannindi komu mér í hug þegar ég sá viðtal Gunnars Smára Egilssonar við Jón Baldvin Hannibalsson á Samstöðunni fyrir skömmu, þar sem Jón Baldvin minntist á þessa yfirlýsingu Henry Kissinger.
Bandaríkin hafa hvorki meira né minna en milli 750 til 800 herstöðvar staðsettar utan USA.
Í utanríkismálum er Jón Baldvin á heimavelli, sem fyrrverandi utanríkisráðherra og sendiherra í Washington. Menn eiga því að leggja við hlustir þegar Jón Baldvin fjallar um Bandaríkin. Í þessu viðtali fór Jón Baldvin á kostum og rak aldrei í vörðurnar þó stutt væri í 87 ára afmælið. Að því leyti minnti hann mig á öldungardeildar þingmanninn frá Vermont Bernie Sanders, sem er eins og ljós í myrkrinu að mati vinstrimanna.
Fram kom hjá Jóni Baldvini að milljarðarmæringjar rėðu ekki lengur Bandaríkjunum heldur billjarðarmæringar og enginn kæmist til valda þar í landi nema njóta fjárhagsstuðnings frá þeim ofurríku. Annað sem mér þótti athyglisvert hjá Jóni var sú staðreynd að allt frá stofnun Bandaríkjanna árið 1776 hafi landið verið í stríði við aðrar þjóðir í 222 ár af 239 árum frá stofnun sem er 93% hlutfall af aldri þjóðarinnar.
Til viðbótar má ég geta þess að Kína hefur eina herstöð annars staðar en í sínu landi, Rússland um 30 herstöðvar í öðrum löndum en Bandaríkin hafa hvorki meira né minna en milli 750 til 800 herstöðvar staðsettar utan USA. Já það er margt skrítið í kýrhausnum en tölurnar tala sínu máli.“