- Advertisement -

Segir Hildi á leynifundum með Degi og Einar viti hvorki í þennan heim né annan

Það er í tísku að skrifa um rannsóknarnefndir. Frægasta slík var sett í gang vegna bankahruns en missti fótanna.

Davíð segir: „Forystumaður Framsóknar veit hvorki í þennan heim né annan, en lofaði stórkostlegum breytingum! Hverju? Hvaða breytingum?“
Skjáskot: rúv.

„Borgin ætlar að taka á móti 1.500 „flóttamönnum“ á ári en ræður alls ekki við núverandi frumþarfir! Þetta er sama sveitarfélagið og felur það enn fyrir yfirmönnum sínum, borgurunum í Reykjavík, að fjárhagur þess stendur á brauðfótum og gjaldþrot blasir við innan tíðar. Það mun sjá undir sóla Dags Eggertssonar þegar hann flýr daginn áður en bankinn loksins tekur að banka,“ segir í Reykjavíkurbréfi morgundagsins.

„Minnihlutinn í Reykjavík hefur einstakt lag á að fjalla eingöngu um óskiljanleg smáatriði. Forystumaður listans tekur meira að segja þátt í leynifundum við borgarstjórann um að koma lóðum, sem ekki lengur eru notaðar í upprunalegum tilgangi, í hendur vafasamra. Slíkum lóðum ber að skila. En í staðinn er verið að pukrast með eitt versta brask í sögu borgarinnar,“ skrifar Davíð og baunar næst á Einar Þóorsteinsson.

Þú gætir haft áhuga á þessum

„Forystumaður Framsóknar veit hvorki í þennan heim né annan, en lofaði stórkostlegum breytingum! Hverju? Hvaða breytingum? Sjálfstæðisflokkurinn hefur falið af sinni hálfu borgarfulltrúanum sem er vanhæfastur allra til að gegna þeim trúnaði fyrir félaga sína að fá að fylgjast með í lokuðum herbergjum hvað Dagur er að braska. Sveitarfélag gerir ekki þúsunda milljóna gjafagerninga á bak við luktar dyr. Hvað veit formaður borgarráðs um þetta mál? Sjálfsagt ekkert.“

Næst leggur Davíð lykkju á leið sína til að gretta sig framan í rannsóknarnefnd Alþingis:

„Það er í tísku að skrifa um rannsóknarnefndir. Frægasta slík var sett í gang vegna bankahruns en missti fótanna. Hún ákvað og fékk sett í lög að hún skyldi rannsaka hvort valdir einstaklingar kynnu að hafa brotið gegn reglum sem settar voru löngu síðar! Það var ömurlegt. En það færi vel á að setja vandaða menn utan borgarstjórnar í að rannsaka það sem þarna fer fram í þaula. Það er ekki víst að það sé um seinan. En það gæti verið það. En það þolir ekki skoðun.“


Auglýsing

Tengdar fréttir sem þú gætir haft áhuga á að lesa: