Hinn einbeitti vilji ferðamálaráðherrans, og reyndar ríkisstjórnarinnar allrar, að svipta fólk eignum sínum gengur ekki upp. Evrópusambandið kemur neytendum til varnar og þvertekur fyrir að ferðaskrifstofur geti haldið peningum sem þær hafa fengið frá neytendum þó fólk fái ekki það sem það borgaði þó fyrir.
Í Fréttablaðinu í dag segir frá þessu. „Neytendasamtökin mótmæltu þessum áformum harðlega og lögmenn létu hafa eftir að sér að lagaákvæði sem heimiluðu slíkt gætu brotið gegn eignarréttarákvæðum stjórnarskrárinnar. Með því sé fjárhagsleg ábyrgð færð yfir á neytendur og þeir gerðir að lánveitendum fyrirtækjanna,“ segir í fréttinni þar.
„Frumvarp ferðamálaráðherra um fyrrgreinda breytingu á lögum um pakkaferðir og samtengda ferðatilhögun liggur í atvinnuveganefnd til umsagnar,“ segir í frétt Fréttablaðsins.
