Við erum ekki stórveldi og tilraunir utanríkisráðherra og hennar líka til að láta sem svo sé eru í besta falli aumkvunarverðar. En um leið þjóðfjandsamlegar.
Jón Magnússon.
Uumræðan/Facebook: Jón Magnússon skrifaði:
Það er skelfilegt að Ísland skuli hafa vikið frá þeirri grundvallarstefnu sinni í utanríkismálum sem mótuð var þegar við urðum fullvalda þjóð fyrir rúmri öld, að Íslendingar væru vopnlaus þjóð, sem tæki ekki þátt í styrjaldarátökum. Þessi sérstaða var viðurkennd þegar við gengum í NATO.
Pilsin þrjú, Þorgerður, Kristrún og Þórdís, sem minna á þau þrjú sem börðust við Friðrik mikla Prússakonung, hafa markvisst ákveðið að breyta þessari utanríkisstefnu. Sendiráði Íslands í Moskvu var lokað og tekið fyrir vinsamleg viðskiptasamskipti þjóðanna, sem kom stríði eða friði við Úkraínu ekkert við.
Nú hefur utanríkisráðherra ákveðið að ganga skrefi lengra og leggja milljarð til vopnakaupa. Sú ákvörðun í skálaglamri lokahófs fundar utanríkisráðherra NATO lýsir vilja til ákveðinnar forgangsröðunar ríkisfjármála vegna þess að sama krónan verður ekki notuð tvisvar.
Á sama tíma og heilbrigðisráðherra lýsir óviðunandi ástandi á stærstu heilbrigðisstofnun landsins eru ekki til fjármunir til að gera það ástand viðunandi.
Það er löngu kominn tími til að stjórnmálamenn Íslands átti sig á því að það er andstætt hagsmunum Íslands að víkja frá gömlu utanríkisstefnunni og það er andstætt hagsmunum Íslands að úða út tugum milljarða árlega í þágu sértrúarsafnaðarins í loftslagsmálum.
Við erum ekki stórveldi og tilraunir utanríkisráðherra og hennar líka til að láta sem svo sé eru í besta falli aumkvunarverðar. En um leið þjóðfjandsamlegar.
