- Advertisement -

Óviðunandi vantraust innan Alþingis

„Ég tel þá líka fulla ástæðu til þess að í leiðinni sé skoðaður sá trúnaðarbrestur sem hefur orðið t.d. með birtingu þessara upplýsinga í fjölmiðlum og tölvupóstar á milli þingmanna sem rata í fjölmiðla. Ég lýsi því yfir að ég er tilbúinn til þess að sá sem forseti kýs að tilnefna megi fara í mitt pósthólf og skoða allar þær sendingar sem ég hef sent út og ég skora á aðra þingmenn að gera það sama. Það er algjörlega óviðunandi að við búum við það vantraust sem er að myndast hér innan þingsins,“ sagði Jón Gunnarsson, þingmaður Sjálfstæðisflokksins, í umræðu um stöðu félagsmálaráðherra, vegna máls Braga Guðbrandssonar.

Þar á hann við meintan leka á gögnum frá Alþingi til Stundarinnar.

Jón sagði að stjórnskipunar- og eftirlitsnefnd eigi að rannsaka málið. „Það er engum blöðum um það að fletta að margt í okkar störfum byggir á trúnaði og trausti. Mörg þau mál sem við fjöllum um þarf að fjalla um með viðeigandi hætti, þau eru misviðkvæm,“ sagði Jón.

 


Booking.com

Auglýsing

Tengdar fréttir sem þú gætir haft áhuga á að lesa: