Vilja lítið framboð, hátt verð og dýr lán

Þingmaður segir ekki hvata fyrir fjármálafyrirtækin að auka framboðið verulega. „Það er ekki í þeirra hag. Þeir vilja selja dýr lán.“ Segir fólk vilja leiufélög.

Jón Þór Ólafsson:
Þingmaður segir ekki hvata fyrir fjármálafyrirtækin að auka framboðið verulega. „Það er ekki í þeirra hag. Þeir vilja selja dýr lán.“ Segir fólk vilja leiufélög.

Í umræðu, á Alþingi, um húsnæðsvandann sagði Jón Þór Ólafsson Pírati að helst vanti smærri íbúðir og að þær séu ódýrari. „Fólk vill líka að það sé inni í einhvers konar leigufyrirkomulagi þar sem lágt leiguverð er tryggt o.s.frv. Þetta er allt hægt að gera. Norðurlöndin eru búin að gera þetta. Vestur-Evrópa er búin að gera þetta. Þetta er vel gerlegt, bara spurning um pólitískan vilja,“ sagði hann.

Vilja selja dýrari lán

„Horfum þá til þess hvar hindranirnar eru í veginum,“ sagði Jón Þór. „Hverjir myndu ekki vilja að framboð á minni íbúðum í öruggu leiguumhverfi væri aukið verulega þar sem framleiðsluverð íbúða er lágt og leiguverðið jafnframt,“ spurði Jón Þór, og sagði síðan:

Þú gætir haft áhuga á þessum

„Að sjálfsögðu eru það byggingaverktakarnir. Þeir hafa engan sérstakan áhuga á þessu, sér í lagi ekki ef erlend fyrirtæki sem geta gert þetta og eru að gera þetta í Svíþjóð og Hollandi uppfylla íslenskar aðstæður og kæmu inn á markaðinn. Það er ekki hvati fyrir þá að það sé. Það er ekki hvati fyrir fjármálafyrirtækin að auka framboðið verulega. Þá stöðvast hækkun á verði og verð gæti jafnvel farið niður. Þá lækkar verðið á lánum þeirra eða eigum sem þeir hafa veð í. „Það er ekki í þeirra hag. Þeir vilja selja dýr lán.“ Auðvitað vilja þeir það. Þeir vilja selja eins mikið af dýrum lánum og þeir geta. Þar er ekki hagur.“

Hvað getur ráðherra gert?

„En hvað getur félagsmálaráðherra gert í þessu,“ spurði Jón Þór.

„Ég myndi vilja fá tölur frá félagsmálaráðherra um deiliskipulag, aðalskipulag, nágrannskoðun o.s.frv. Hvernig stendur þetta hérna á stórhöfuðborgarsvæðinu þar sem eftirspurnin er mest, vandinn verstur, þar sem kjósendur kalla mest eftir því? Þetta er í forgangsröðun þar en samgöngumál eru miklu hærri á landsbyggðinni, svissast algerlega við húsnæðismálin á höfuðborgarsvæðinu og í byggðakjarnanum á Akureyri. Hvernig stöndum við frammi fyrir þessu varðandi skipulagsmálin? Þetta gæti félagsmálaráðherra tekið saman.“

-sme




Booking.com

Tengdar fréttir sem þú gætir haft áhuga á að lesa: