- Advertisement -

Forsætisráðherra sem hótaði viðstöðulaust að skera Rúv á háls

Atli Þór Fanndal skrifaði:

Hér má sjá hvað gerist þegar fjölmiðlar telja sig upptökutæki en ekkert annað. Ekkert er staðfest, ekki spurt um neitt og ekkert kannað. Öllu er þvælt saman og eina heimildin er Sigmundur Davíð. Alveg er það ótrúlegt með þetta pakk að í hvert sinn sem hinsegin fólk andmælir þeim þá erum við alltaf einhver stórkostleg hætta fyrir tjáningarfrelsið. Þetta er fyrrverandi forsætisráðherra sem hótaði viðstöðulaust að skera Rúv á háls og draga úr framlögum til stofnunarinnar.

Skapaði hverja kælinguna á fætur annari hvar sem hann steig niður og gleymum ekki tilraunum hans til að grafa undan blaðamönnum sem hann fílar ekki. Þá raðaði hann skoðanabræðrum og lukkuriddurum í embætti. Það er nákvæmlega ekkert að læra um vernd tjáningarfrelsis frá þessum gaur og enn hefur hann ekkert annað en eigin ímyndun fyrir einhverri skipulagðri herferð gegn honum og s22. Jafnvel þótt satt væri að einhverjir hafi hringt í Sigmund og andmælt viðburði þá er Miðflokkurinn beinlínis stjórnmálaflokkur. Það er samtök sem leggja gjörðir sínar, skoðanir og stefnu alltaf í dóm fjöldans.

Þú gætir haft áhuga á þessum

Það er engin óeðlileg og skipulögð herferð í gangi gegn Miðflokknum né s22.

Þessi maður var leynilega hluti að snjóhengjunni en það er étið gagnrýnislaust upp eftir honum að einhver transismi sé að valta hér yfir tjáningarfrelsið og hann fær að klína á allt og alla að við séum hluti af einhverju samsæri gegn réttindum homma og lesbía. Samtökin 22 eru haturssamtök sem segja aldrei eitt orð um réttindi homma og lesbía. ‘Þau’ sameinast um niðurrif á réttindum hinsegin fólks, árásum og félagslega innviði sem við höfum byggt upp saman, ógeðslega endurskoðun á sögunni og tromma upp ótta byggðan á lygum.

Þetta eru grifters sem ætla sér að fljóta til peninga og frægðar með lygum um að stolt og lífshamingja hinsegin fólks sé ógn við börn og íslensk gildi. Þetta s22 bull er einn maður með mikilmennskubrjálæði og drauma um að bæta sína félagslegu stöðu með því að nudda sig upp við öfgahægrið. Það er engin óeðlileg og skipulögð herferð í gangi gegn Miðflokknum né s22. Þetta er ímyndun þeirra. S22 eru nú að safna tveimur milljónum í einhverja ímyndaða málsókn gegn þjóðminjasafninu vegna þess að þau fengu ekki að vera í sal hjá safninu… Þetta er bara grift. Þú færð lögmann til að senda eitt til tvö bréf og semur um bætur vegna eiginlega kostnaðar sökum málsins. Þetta kostar 30 – 150 þúsund eftir því hverskonar samband þú hefur við lögmanninn þinn. Ég hef séð pýramídasvindl sem eru minna augljós en þetta rugl. Blaðafólk í guðanna bænum spyrjið út í details og ruglið ekki öllu saman.


Auglýsing

Tengdar fréttir sem þú gætir haft áhuga á að lesa: