Ég velti þessu fyrir mér – hverju áorkuðu Vg með stjórnarsetunni?
Haukur Arnþórsson skrifar:
Maður spyr sig hvaða sigrar fengu Vg til þess að fara í ríkisstjórn. Hverju breytir seta flokksins fyrir þjóðfélagsþróunina? Hér virðist komið að enn einni niðurlægingu flokksins – eða kannski finnst þingmönnum flokksins þetta eðlilegt (það skal þó tekið fram að Rósa Björk Brynjólfsdóttir kaus á móti formennsku Jóns Gunnarssonar og hefur þannig stimplað sig út).
Með Jón Gunnarsson sem formann umhverfis- og samgöngunefndar fær vonarstjarna Vg í þessari ríkisstjórn, umhverfisráðherrann, verulega sterka andstöðu í þingnefndinni og mun hann varla koma nokkru frumvarpi sem skiptir máli í gegnum þingið. Nefndin verður engin umhverfisnefnd, en þess meiri samgöngunefnd.
Áður hefur komið fram að Svandís Svavarsdóttir mun ekki beita sér gegn einkarekstri í heilbrigðisþjónustunni.
Ég velti þessu fyrir mér – hverju áorkuðu Vg með stjórnarsetunni?