Gunnar Smári skrifar:
Komið hefur fram í fréttum að Jim Ratcliffe, enskur milljarðamæringur, hefur á skömmum tíma eignast 1,4% af íslensku landi. Einnig að Guðmundur Kristjánsson í Brim, íslenskur milljarðamæringur, hefur náð undir sig meira en 12% af fiskveiðiauðlindum almennings. Ríkisstjórnin hélt neyðarfund á Mývatni vegna ásælni útlendra milljarðamæringja í jarðir á Íslandi. Ríkisstjórnin hefur hins vegar engar áhyggjur af yfirráðum íslenskra milljarðamæringja yfir auðlindum almennings, ekki nokkrar. Hún styður heilshugar að fáir ríkir fái til sín allan arðinn af auðlindum fjöldans, er í raun kapítalísk ógnarstjórn gegn hagsmunum almennings.
