„Þegar framsal veiðiheimilda var gefið frjálst urðu til fyrstu milljarðamæringarnir á Íslandi. Um þá ákvörðun hafði ríkisstjórn Framsóknarflokks, Alþýðuflokks, Alþýðubandalags og leifanna af Borgaraflokknum forystu árið 1990. Hún gerði þau grundvallarmistök að gefa framsalið frjálst án þess að taka upp auðlindagjald um leið.“
Það er Styrmir Gunnarsson sem skrifar þetta og rifjar upp hvernig ríkisvald þess tíma bjó til hina hrikalegu þróun sem hér hefur orðið. Kannski var þetta með vilja gert. Ef ekki er klárt mál að allar þær ríkisstjórn sem hafa setið síðustu þrjátíu ár hafa einhverra hluta vegna ekki lokað fyrir græðgisvæðinguna. Milljarðamæringarnir hafa fengið að fara sínu fram.
„Engin ein ákvörðun stjórnvalda hefur leitt til meiri ójafnaðar en sú ákvörðun er í öllu tali talsmanna Samfylkingar og Vinstri-grænna, arftaka Alþýðuflokks og Alþýðubandalags, um ójöfnuð aldrei nefnd á nafn,“ skrifar Styrmir í Mogga dagsins.
