Ég sver það, þögnin væri betri, ekki eins aumkunarverð og það að þykjast ætla að reyna að gera eitthvað…
Sólveig Anna Jónsdóttir skrifar:
Íslensk stjórnvöld eru sjúk af undirgefni við Bandaríkin og Bandaríkin heimila og styðja morð á fólkinu í Palestínu. Forsætisráðherra og utanríkisráðherra geta sagst ætla að segja eitthvað við Blinken en öll vita að það er aðeins innantómt orðagjálfur. Og að Viðreisn reyni að slá sig til riddara og fari á atkvæðaveiðar með því að nota þjáningar fólksins í Palestínu; er ekki í lagi? Þessi þykjustu and-imperíalismi er ömurlegur. Hver er eiginlega „hugsjón og hugmyndafræði“ Þorgerðar Katrínar þegar kemur að friðsamlegum samskiptum á milli fólks og þjóða? Jú, að styðja allar aggresjónir og stríðsglæpi vestursins umhugsunarlaust. Það er hugmyndafræði og hugsjón Viðreisnar í utanríkispólitík. Hér þó aldeilis komið tækifæri fyrir fjölmiðla til að nota hugtakið „popúlisti“ yfir stjórnmálamanneskju og flokk eftir framferði Þorgerðar á Alþingi í dag.
Ég sver það, þögnin væri betri, ekki eins aumkunarverð og það að þykjast ætla að reyna að gera eitthvað vitandi að ekkert skiptir meira máli en að hafa Ameríku góða og sýna að við séum hlýðin börn.
Íslensk utanríkispólitík er viðbjóður og til skammar. „And your silence is all of no avail; today, the blinding sun of torture is at its zenith; it lights up the whole country. Under that merciless glare, there is not a laugh that does not ring false, not a face that is not painted to hide fear or anger, not a single action that does hot betray our disgust, and our complicity.“
