- Advertisement -

Blaðamenn en ekki útgefendur

Fyrir utan að fjárfestingar þessa fólks í fjölmiðlum er glórulaus og hleður skuldum utan á reksturinn.

Gunnar Smári skrifar:

Ef ríkisstjórnin vill styðja við blaðamennsku ætti hún að styrkja blaðamenn, eins og rithöfunda og aðra listamenn með starfslaunum, en ekki útgáfufyrirtæki. Útgáfufyrirtækin eru flest í eigu stórkapítalista eða huldumanna, fólks sem aldrei er treystandi fyrir því að halda uppi opinni lýðræðislegri umfjöllun og gagnrýnni blaðamennsku. Fyrir utan að fjárfestingar þessa fólks í fjölmiðlum er glórulaus og hleður skuldum utan á reksturinn. Það er ódýrast og árangursríkast fyrir ríkið að styrkja blaðamenn beint, greinar þeirra geta síðan birst í blöðum kapítalistana, á netinu eða hvar sem er. Með því að styrkja útgáfufyrirtæki kapítalistanna fáum við aðeins meira af vondri blaðamennsku, sannið þið til.

Í fjárlögum er gert ráð fyrir að veita 400 m.kr. til fjölmiðla. Ef veitt yrðu 400 þús. kr. starfslaun dygði það fyrir 83 blaðamönnum í fullu starfi, sem myndu vinna sjálfstætt og óháðir eigendum fjölmiðla. Það væri mun betri ráðstöfun en að láta eigendur Moggans, Fréttablaðsins, Stöðvar2 og DV fá þessa peninga til að halda úti óbreyttri ritstjórnar- og starfsmannastefnu.

Þú gætir haft áhuga á þessum

Booking.com

Auglýsing

Tengdar fréttir sem þú gætir haft áhuga á að lesa: