- Advertisement -

Fengu fylgi á fölskum forsendum

Stuðningsflokkarnir, hækjurnar, virðast láta sér það duga að hafa ráðherrastóla.

Björgvin Guðmundsson skrifar:

Hafa stjórnarleiðtogarnir eitthvað leyfi til þess að hlunnfara aldraða og öryrkja. Fengu þeir eitthvað umboð til þess í síðustu alþingiskosningum 2017. Nei, það var öðru nær. Þeir þóttust ætla að bæta kjör aldraðra og öryrkja, ef þeir kæmust til valda. Einkum á þetta við um leiðtoga stuðningsflokka, sterkasta flokksins, og þess spilltasta , hækjurnar tvær.

Þessir flokkar fengu fylgi á fölskum forsendum, lofuðu kjarabótum fyrir aldraða og öryrkja og láglaunafólk en sviku öll þau loforð. Ríkisstjórnin er búin að vera við völd í 14 mánuði en á þeim tíma hefur hún ekki að eigin frumkvæði veitt raunhækkun lífeyris upp á eina krónu.

Þú gætir haft áhuga á þessum

Stjórnin hefur haldið lífeyri niðri, hefur hlunnfarið aldraða og öryrkjja og reynir nú að halda lágmarkslaunum verkafólks einnig niðri. Þetta gerist í kjölfar þess, að yfirstéttin hefur tekið sér óhóflegar ofurlaunahækkanir, ráðherrar 64%, þingmenn 70%, æðstu embættismenn allt að 48% hækkun og 18 mánuði afturvirkt, bankastjórar, forstjórar og fjöldi annarra toppa í þjóðfélaginu ofurhækkanir í sama dúr.

En í kjölfar ofurhækkana yfirstéttarinnar á að hækka laun verkafólks um 1-2% og lífeyri um það sama!! Það er ógeðfellt og óskiljanlegt, að flokkur sem kenndi sig við sósíalisma og róttækni skuli hafa leitt spillta flokkinn til valda, eftir að sá flokkur hrökklaðist úr síðustu stjórn vegna spillingarmála.

Spillti flokkurinn ræður öllu í núverandi stjórn og róttæki sósíalistaflokkurinn hefur aðeins fundarstjórann en ræður í raun engu.

Stuðningsflokkarnir, hækjurnar, virðast láta sér það duga að hafa ráðherrastóla. Þeir settu engin málefnaleg skilyrði fyrir aðild að stjórn. Stólarnir,hlunnindin, eru þeim allt!

Fyrirsögnin er Miðjunnar.


Booking.com

Tengdar fréttir sem þú gætir haft áhuga á að lesa: