Ólína segir Kvennréttafélagið hafa þegið „dúsu“.
Ólína Þorvarðardóttir skrifar:
Þá hefur Siðfræðistofnun Háskóla Íslands lagst gegn þungunarrofi í 22. viku meðgöngu og farið fram á að þessi tímamörk verði færð framar. Ég er þeim hjartanlega sammála um þetta og hef sjálf sent inn umsögn um frumvarpið í sömu veru.
En hvað segir þetta um Kvenréttindafélag Íslands sem lagðist í víking til að styðja heilbrigðisráðherra í þessu máli og hóf með látum undirskriftasöfnun með frumvarpinu? Félagið fékk þann stuðning launaðan skömmu síðar í formi samstarfssamnings við forsætisráðuneytið (flokkssystur heilbrigðisráðherrans) sem undirritaður var í síðustu viku. Kaup kaups.
Kvenréttindafélagið er þar með búið að láta hafa sig í að berjast fyrir hlutum sem ekki standast siðferðilega mælikvarða og gerast n.k. áróðursherdeild eða málefnanefnd í VG … fyrir dúsu. Skemmtileg staða það.
Í lok skrifanna segir Ólína:
„PS: Hef ég þar með rofið annars gott fb-frí sem staðið hefur í heila viku. Nú sjáum við hvað setur með framhaldið. ;-)“