Atli Þór Fanndal skrifaði:
„Sá viðtalsbút við bæjarstjóra Vestamannaeyja rétt áðan þar sem hún talaði um dauða og djöful vegna frumvarps um breytt veiðigjöld. Kvartaði mikið yfir skort á samráði þótt frumvarpið sé reyndar bara í samráðsgátt og fari að sjálfsögðu í umsagnaferli í meðförum þingsins. Hún náði ekki upp í nef sér yfir því að ekki væri verið að rukka almennileg gjöld af öðrum náttúruauðlindum. Fannst þetta alveg agaleg hræsni. Í greinargerð frumvarpsdraga stendur á bls. 3 segir þetta: „…er nefndin þeirrar skoðunar að rétt sé að stefna að greiðslu fyrir afnotarétt af öllum auðlindum sem eru í eigu ríkis eða þjóðar af tvennum ástæðum: annars vegar til að greiða kostnað ríkisins af stjórn og eftirliti við viðkomandi auðlind, hins vegar til að tryggja þjóðinni í heild sýnilega hlutdeild í þeim umframarði sem nýting hennar skapar.“ Það er bara næstum eins og grátkórinn hafi ekki séð ástæðu til að lesa það sem þau eru ósátt við.“
