Össur Skarphéðinsson, þá utanríkisráðherra, á að hafa bjargað Birgittu Jónsdóttur úr klóm FBI.
Þetta kom fram í þætti á Útvarpi Sögu, þegar Arnþrúður Karlsdóttir talaði við Sigurlaugu Ragnarsdóttir, sem kom að stofnun Hreyfingarinnar og Pírata. Sagðist þekkja vel til.
„Sigurlaug sem var mjög virk í búsáhaldabyltingunni og í baráttunni gegn Icesave umgekkst mikið Birgittu Jónsdóttur á þeim tíma sem málið kom upp en í þættinum ræddi Sigurlaug um efasemdir sínar um samskipti Birgittu við Wikileaks og Julian Assange,“ segir á heimasíðu Útvarps Sögu.
FBI kom til Íslands vegna þessa alls og Sigurlaug segir að Birgitta hafi komið að þeim við leit á heimili Birgittu.
Spennan eykst: „Á sínum tíma var mikið fjallað um hina dularfullu tölvu, tilurð og hlutverk hennar en tölvan var ómerkt og vildi enginn þingmanna eða starfsmenn þingsins gangast við eignarhaldi á henni. Að sögn Sigurlaugar var njósna og hlerunar búnaður inni í vélinni sem að öllum líkindum hafi verið komið þar fyrir af aðilum innan Wikileaks.“
Sigurlaug fullyrti að „aðstoð“ Össurar við Birgittu hefði kostað mikið. Óbein yfirráð yfir þingflokki Pírata. Ekki var annað að skilja en samkomulagið haldi enn. Sigurlaug nefndi eitt dæmi. Píratar samþykktu lög sem heimila hinu opinbera að skoða og vafra um bankabækur öryrkja og eldri borgara. Hún sagðist hafa hrint ósátt í Helga Hrafn Gunnarsson og skammast við hann. Hún segir að Helgi Hrafn hafi sagt að Össur hafi sagt sér að samþykkja hin vondu lög.
