- Advertisement -

Þessu fáránlega leikriti verður að ljúka

Orðsporið versnar. Og Kristján Þór verður þjóðinni til skammar.

Katrín Baldursdóttir skrifar:

Kristján Þór sjávarútvegsráðherra verður að segja af sér. Þessu fáránlega leikriti verður að ljúka. Kristján Þór hefur sagt sig frá Samherja en ekki öllum hinum fyrirtækjunum í sjávarútvegi sem eru í eigu Þorsteins og hann starfar ennþá fyrir. Kristján Þór er því ennþá í bullandi tengslum við Þorstein Má í gegnum fyrirtæki hans. Þorsteinn.. “situr meðal annars í stjórn Síldarvinnslunnar, sem er tólfta kvótamesta útgerðarfyrirtæki landsins. Hann er einnig í framkvæmdastjórn Útgerðarfélags Akureyringa, sem er það fimmtánda kvótamesta, á helmingshlut í Rif ehf. sem gerir út hraðfiskibát, auk þess að sitja í fjölda stjórna annarra félaga sem tengjast sjávarútvegi.“ Þorsteinn hefur ekki sagt sig frá störfum í þessum fyrirtækjum. Þetta er náttúrulega absúrd staða og ef Kristján Þór segir ekki af sér er hann jafn spilltur og allir hinir sem tengjast Samherjamálinu. Auk þess mun stimpill Íslands sem spillingarbæli ná hærri hæðum. Orðsporið versnar. Og Kristján Þór verður þjóðinni til skammar.


Booking.com

Tengdar fréttir sem þú gætir haft áhuga á að lesa: