- Advertisement -

92% Sjálfstæðismanna er á móti

Páll Magnússon og Davíð Oddsson og þriðji orkupakinn.

„92% stuðnings­manna Sjálf­stæðis­flokks­ins hafa lýst sig and­víg því að fram­selja frek­ara vald yfir ís­lensk­um orku­mál­um til evr­ópskra stofn­ana. Þá hef­ur lands­fund­ur flokks­ins ályktað með svipuðum hætti.“

Það er Davið Oddsson sem skrifar þetta. Hann fagnar um leið yfirlýsingu Páls Magnússonar, þingmanns flokksins og þáttastjórnanda, að hann muni segja nei við orkupakkanum, verði kosið um hann.

„Þetta er mik­il­væg yf­ir­lýs­ing og með þessu bæt­ist Páll í hóp nokk­urra þing­manna Sjálf­stæðis­flokks­ins sem lýst hafa mikl­um efa­semd­um um eða and­stöðu við að Ísland inn­leiði þriðja orkupakka Evr­ópu­sam­bands­ins.“

Þú gætir haft áhuga á þessum

Þau 92 prósent sem eru á móti orkupakkanum geta ekki fagnað. Orkumálaráðherra Íslands, sem er jú varaformaður þessa sama Sjálfstæðisflokksins, er á annarri skoðun en 92 prósentin.

Davíð bendir á, í sömu grein, að Fram­sókn­ar­flokk­ur­inn hafi einnig ályktað gegn þriðja orkupakk­an­um og að hann vilji fá und­anþágu frá hon­um. „Þetta hef­ur formaður flokks­ins ít­rekað að und­an­förnu.“

Þá er þriðji stjórnarflokkurinn eftir, það er Vg. Davíð skrifar:

„Ein­stak­ir þing­menn Vinstri-grænna hafa enn frem­ur lýst efa­semd­um, en þó furðu litl­um þegar horft er til mik­ill­ar and­stöðu stuðnings­manna flokks­ins. 86% þeirra eru and­víg því að færa vald yfir orku­mál­um Íslands til evr­ópskra stofn­ana.“

Og að loknum skrifunum slær ritstjórinn saman höndum og skrifar:

„Já­kvætt er að sjá að það skuli fjölga í þeim hópi þing­manna sem lýs­ir and­stöðu við þriðja orkupakk­ann og að lík­urn­ar á að þingið samþykki hann fari því minnk­andi.

Þar með minnka lík­urn­ar á að þjóðin þurfi að láta málið til sín taka.“


Booking.com

Tengdar fréttir sem þú gætir haft áhuga á að lesa: