Haukur Arnþórsson bregst við orðum Heiðu B. Hilmisdóttur, og varaformanns Samfylkingarinnar, um bága stöðu heimilislausra.
„Sýnir varaformaður Samfylkingarinnar hér tvöfalt siðgæði – eða er hún tekin við sem formaður SUS? Ætli Logi formaður telji ummæli hennar „heppileg?“
Var Samfylkingin einhvern tímann með á dagskrá að styðja þá sem minna mega sín og þétta velferðarnetið í samfélaginu? Og er það breytt?
Þótt Umboðsmaður Alþingis hirti Reykjavíkurborg fyrir hvernig hún hugsar um skjólstæðinga sína – þarf nokkuð “að bregðast við“? Eiga stjórnmálamenn ekki að láta ábendingar um vanrækslu í opinberri framkvæmd sem vind um eyrun þjóta?“
Viðbrögð Heiðu vekja upp minningar um Skyttuna hans Bubba. Þar segir meðal annars:
„Þó ástandið sé viðkvæmt
þá vantar mig öruggan stað.
Vertu mér góð og staldraðu við
því það er eitthvað að.“
Heiða er samt ekki alveg á þeim buxunum. „Þetta eru ekki nýjar tölur, þetta eru tölur frá 2017. Þetta er því ekki eitthvað sem við þurfum að bregðast við í þessari viku.“
Það er einmitt það og því þarf ekkert að gera, eða hvað?
