Árni Páll: VG breytti rétt

Stjórnmál Fyrrverandi formaður Samfylkingarinnar, Árni Páll Árnason, fagnar nýrri ríkisstjórn.

„Glaður að heyra af nýrri rikisstjórn undir góðri forystu. Katrín Jakobsdóttir er vinkona mín, hreinlynd, trygglynd, dugmikil og skörp svo af ber. Við verðum ekki svikin af henni í forsætisráðuneytinu,“ skrifar Árni Páll.

Hann heldur áfram að lýsa hrifningu sinni: „Að öðru leyti: Kosningar ráða ríkisstjórnarmyndun. “No tyranny is worse than the tyranny of numbers” var einu sinni sagt, þegar engin leið var að mynda þá stjórn sem sjalfskipaðir spekingar höfðu helst viljað mynda. Þannig var það líka núna.“

Árni Páll er ekki í vafa hver var niðurstaða kosninganna: „Allir lýðræðislega þenkjandi stjórnmálamenn þurfa að virða kosninganiðurstöður og virða og vinna með þeim flokkum sem landsmenn kjósa. Það gerir VG nú, rétt eins og Björt Framtíð og Viðreisn gerðu fyrir ári, Sjálfstæðisflokkurinn gerði 2013 og Samfylkingin gerði árið 2007. Hættum svo að úthúða flokkum fyrir að gera það eina rétta: Að spila úr þeim spilum sem kjósendur skammta þeim.“

Þú gætir haft áhuga á þessum



Booking.com

Tengdar fréttir sem þú gætir haft áhuga á að lesa: