Bara fyrir Brynjar

Ráðuneyti Sigríðar Á. Andresen hefur afhenti Brynjari Níelssyni, félaga ráðherrans í Sjálfstæðisflokki, öll göng í máli Roberts Downey, þ.e. Róberts Árna Hreiðarssonar.  Brynjar er formaður stjórnskipunar- og eftirlitsnefndar Alþingis.

Hann sagði í gær, í samtali við Ríkisútvarpið, að með gögnin í málinu muni hann fara með sem algjört trúnaðarmál og að aðrir nefndarmenn muni ekki fá gögnin, ekki einu sinni hvaða tveir „valinkunnu“ menn gerðust ábekingar um heiðarleika Róberts Árna.

„Meðmælandabréfin fá þeir ekki,“ sagði Brynjar við RÚV.

Ákvörðun dómsmálaráðuneytisins um að veita Róberti  uppreist æru vakti mikil og sterk viðbrögð, en hann var dæmdur í þriggja ára fangelsi fyrir kynferðisbrot gegn fjórum ungum stúlkum.

Þú gætir haft áhuga á þessum

Fréttastofa RÚV hefur reynt að fá gögnin í máli Downeys, meðal annars hjá ráðuneytinu og Héraðsdómi Reykjaness en komið að lokuðum dyrum. Ákvörðun ráðuneytisins hefur verið kærð til úrskurðarnefndar um upplýsingamál.

-sme




Booking.com

Tengdar fréttir sem þú gætir haft áhuga á að lesa: