Óli Björn og harði stálhnefinn

„Og ég hef sagt: Það er kannski best að við tökum upp stefnu sænskra sósíaldemókrata sem að eru orðnir mjög harðir í útlendingamálum.“

Stjórnmál „…við eigum að mæta öllum þeim með hörðum stálhnefa sem ætla að koma hingað til Íslands sem… …misnota velferðarkerfið okkar,“ sagði Óli Björn Kárason, þingmaður og frambjóðandi Sjálfstæðisflokksins, í viðtali á Útvarpi Sögu í janúar +á þessu ári.

Rás 2 var með kjördæmaþátt í gær. Þar var meðal annars rætt um greinaskrif Ásmundar Friðrikssonar, samþingmanns Óla Björns. Þá tvísteig Óli Björn í umræðunni. Hann var hins vegar ekki rukkaður um eigin orð, þeirra sem hér er minnst á.

Í viðtalinu var talað um velferðarkerfið.

„Það segir sig sjálft að það mun auðvitað molna ef að þunginn verður alltaf meiri og meiri og meiri. Þá verða möguleikar okkar til að standa hér undir heilbrigðiskerfi, undir almannatryggingum og svo framvegis, æ minni. Um það það verður ekkert deilt,“ sagði Óli Björn í janúar.

Þú gætir haft áhuga á þessum

Hann hélt áfram: „Þess vegna er það þannig að í svona þjóðfélagi eins og okkar, að við viljum auðvitað rétta fólki hjálparhönd. Það er ljóst. En við ætlum ekki að gera það með þeim hætti að það grafi undan öllum þeim stoðum sem hér eru. Og þess vegna er það skynsamlegt að afgreiða hér þetta flóttafólk, sem er ekki allt raunverulegir flóttamenn, gera það með snaggarlegum hætti. Með svipuðum hætti til dæmis og Norðmenn gera. Og ég hef sagt: Það er kannski best að við tökum upp stefnu sænskra sósíaldemókrata sem að eru orðnir mjög harðir í útlendingamálum.“

Til að Óli Björn njóti sammælis er rétt að birta líka þessa tilvitnun: „Þegar kemur að útlendingamálum þá held ég að við höfum villst töluvert mikið af leið. Ég vil orða þetta þannig: Við eigum að opna faðminn mjúkan, gagnvart því fólki sem þarf tímabundið eða jafnvel til langframa að leita sér raunverulegs skjóls.“

-sme




Booking.com

Tengdar fréttir sem þú gætir haft áhuga á að lesa: