Vonarstjarna Framsóknar á lista Samfylkingar

Stjórnmál Albertína Friðbjörg Elíasdóttir mun skipa annað sæti á framboðslista Samfylkingarinnar í Norðausturkjördæmi. Albertína er Vestfirðingur en hefur búið á Akureyri um árabil. Logi Már Einarsson, formaður Samfylkingarinnar skipar fyrsta sæti listans.

Áður en Albertína Friðbjörg flutti til Akureyrar var hún um árabil í bæjarstjórn Ísafjarðarkaupstaðar fyrir Framsóknarflokkinn.

Heimildir Miðjunnar, sem þekkja mjög vel til, segja að Framsóknarmenn á Akureyri hafi vonast til að Albertína Friðbjörg yrði leiðandi á framboðslista Framsóknarflokksins í bæjarstjórnarkosningunum næsta vor. Svo verður ekki úr þessu.

Margt hefur dunið á í herbúðum Framsóknar en för Albertínu yfir til Samfylkingarinnar er nokkuð sem var óþekkt áður.

Þú gætir haft áhuga á þessum

Ljóst er að Samfylkingin gengur í gegnum miklar breytingar við uppstillingar á framboðslista sína.

Í norðausturkjördæmi verður Logi Einarsson í fyrsta sæti, Albertína Friðbörg í öðru, María Hjálmarsdóttir í þriðja og Bjartur Aðalbjörnsson í fjórða. Logi og Bjartur skipuðu sömu sæti í fyrra en Albertína og María eru nýjar á listanum.

-sme




Booking.com

Tengdar fréttir sem þú gætir haft áhuga á að lesa: