Katrín Baldursdóttir skrifaði á síðu Sósíalistaflokksins:
Græn orka er sjálfstæð söluvara. Við seljum græna orkustimpilinn okkar svo fyrirtæki geti svindlað á öllu kerfinu og skreytt sig með grænni orku. Svona hrikalegt svindl er auðvitað arðbært fyrir fjármagns-og fyrirtækjaeigendur en hamlar raunverulegum aðgerðum gegn hamfarahlýnun. Landsvirkjun hefur í heil átta ár selt svona græna stimpla með samþykki stjórnvalda.
Hún var fremur kauðaleg fulltrúi Landsvirkjunar í fréttum RÚV í kvöld og ósannfærandi þegar hún hélt því fram að þetta væri eðlilegt og reyndi að selja okkur að þetta væri bara framfaraskref frekar en hitt.
Þórdís Kolbrún iðnaðar-og nýsköpunarráðherra fór bara hjá sér er hún var síðan spurð um þetta í Kastljósinu. Það var ekkert gengið á hana með þetta alvarlega mál. Engar spurningar um af hverju þetta væri leyfilegt, hvaða lög-eða tilskipanir leyfa þetta, erum við bundin alþjóðasamningum til að leyfa þessa sölu eða hvað? Svona punt viðtöl í Kastljósinu eru eiginlega orðin pínleg.