Er Friðjón frekjudallur?

Sýkla­lyfja­ónæm­ar bakt­erí­ur drápu um 33 þúsund manns inn­an Evr­ópska efna­hags­svæðis­ins.

Viðar Guðjohnsen, áhrifamaður í Sjálfstæðisflokki, er ósáttur með flokkinn. Sem og margir aðrir. Hann segir í Moggagrein að fylgi flokksins hafi helmingast. En hvers vegna?

„Mál­flutn­ing­ur for­ystu­manna Sjálf­stæðis­flokks­ins upp á síðkastið hef­ur valdið flokks­mönn­um mikl­um áhyggj­um. Marg­ir mæt­ir menn hafa sagt skilið við flokk­inn og al­manna­tengl­ar ganga fram með frekju og dóna­skap í viðtöl­um. Ofan á þetta hafa hin og þessi umróts­mál fengið braut­ar­gengi á vakt full­trú­anna. Fylgi flokks­ins hef­ur helm­ing­ast.“

Almannatenglar segir Viðar. Þá hlýtur kastljósið að beinast að Friðjóni R. Friðjónssyni, hjá KOM og fyrrum aðstoðarmanni Bjarna Benediktssonar.

Viðar er annt um það sem íslenskt er og geldur varhug við mörgu sem erlent er:

„Eins fá­menn þjóð og Ísland get­ur auðveld­lega glatað öllu ef menn huga ekki að eign­ar­haldi út­lend­inga á jörðum og þeim auðlind­um sem þeim fylgja. Það væri synd ef sof­anda­hátt­ur stjórn­mála­manna eða ótti yrði þess vald­andi að eft­ir nokk­ur ár vöknuðu þeir full­ir af eft­ir­sjá.“

Í huga Viðars er það ekki bara jörðin sjálf sem veldur honum áhyggjum. Í huga hans, sem og eflaust margra samflokksmanna, áhyggjur af mörgu öðru. Ekki síst lýðheilsu:

„Íslenski land­búnaður­inn, hið mik­il­væga hryggj­ar­stykki þjóðar­inn­ar, sem fram­leiðir ein­stök mat­væli, er van­met­in auðlind. Sýkla­lyfja­ónæm­ar bakt­erí­ur drápu um 33 þúsund manns inn­an Evr­ópska efna­hags­svæðis­ins á ár­inu 2015, sbr. upp­lýs­ing­ar í ný­legri rann­sókn sem unn­in var fyr­ir evr­ópsku smit­sjúk­dóma­stofn­un­ina. Til sam­an­b­urðar lét­ust um átta þúsund af völd­um ópíóíða á sama svæði á síðasta ári.“

Grein Viðars er til muna lengri. Stytting greinarinnar og fyrirsögnin eru á ábyrgð Miðjunnar.