Í fyrra hagnaðist einn útgerðarmaður um 5,6 milljarða sem er rúmlega það sem veiðigjöldin verða á næsta ári.
Logi Einarsson skrifaði:
Ríkisstjórnin hefur talað mikið um einhverskonar lífskjarasamning en treystir sér ekki til að láta hann ná til aldraðra og öryrkja. Þau uppskera umtalsvert minna en samið var um í kjarasamningum í vor; fá 3,5% hækkun og munu því, miðað við fyrirliggjandi verðbólguspá, hafa minna milli handanna en áður.
Til að setja forgangsröðunina í samhengi verða veiðigjöld útgerðarinnar 5 milljarðar, samkvæmt fjárlögum næsta árs. Minna en kostnaður ríkisins af því að hafa eftirlit með auðlindinni. Fyrir tveimur mánuðum sögðu þau að þau yrðu 7 milljarðar. Gjöldin voru 11,2 milljarðar þegar þessi ríkisstjórn tók við.
Útgerðin hefur á 10 árum greitt sér 100 milljarða í arð en veiðigjöld á sama tímabili voru rúmlega helmingur þeirrar upphæðar.
Í fyrra hagnaðist einn útgerðarmaður um 5,6 milljarða sem er rúmlega það sem veiðigjöldin verða á næsta ári.
Það er ömurlegt að ríkisstjórnin leyfi sér að nota orðið lífskjarasamningur um útfærslu sem hyglir hinum ríkustu en nær ekki til þeirra fátækustu.