Hann sér taug milli Ásmundar Einars Daðasonar og Sólveigar Önnu Jónsdóttur og Ragnar Þórs Ingólfssonar.
Styrmir Gunnarsson gerir jafnvel ráð fyrir að samstarf Vinstri grænna og Sjálfstæðisflokks sé komið til að vera. Að hans mati skiptir mestu: „…að jafnframt hafa augljóslega skapast sterk tengsl við verkalýðshreyfinguna. Það hefur verið ljóst að þau væru til staðar á milli forsætisráðherra og forseta ASÍ, en þau hafa orðið traustari með ráðningu Höllu Gunnarsdóttur í starf framkvæmdastjóra ASÍ en hún starfaði áður um skeið í forsætisráðuneytinu.“
Ef rétt er hjá Styrmi hefur Drífa Snædal kyngt skítnum sem hún afþakkaði við stjórnarmyndunina. Sagði þá að mynda ríkisstjórn með Sjálfstæðisflokki væri eins og að ætla að éta skít í fjögur ár.
Það er erfitt að deila við menn sem Styrmi. Hann hefur staðið lengur á hliðarlínu stjórnmálanna en nokkur annar. Hann sér taug milli Ásmundar Einars Daðasonar og Sólveigar Önnu Jónsdóttur og Ragnar Þórs Ingólfssonar. „En jafnframt fer ekki á milli mála, að félagsmálaráðherra hefur líka byggt upp náin tengsl við verkalýðsforystuna og þá ekki sízt við hinn arm hennar, sem orðið hefur til á síðustu mánuðum og misserum,“ skrifar Styrmir á vef sinn; styrmir.is.
„Þegar þetta tvennt fer saman, gott samstarf á milli stjórnarflokkanna og hins vegar traust tengsl við verkalýðshreyfinguna á erfiðum tímum hafa orðið til forsendur fyrir því, að samstarf þessara þriggja flokka geti spannað lengri tíma en kannski var búizt við í upphafi. Í því felst ákveðin kjölfesta fyrir samfélagið,“ endar Styrmir þessi skrif sín.
