- Advertisement -

Bendir á rándýrt lóðabrask í Reykjavík

Við höfum aldrei í sögunni haft lægri raunvexti á húsnæðislánum.

„Hér í Reykjavík er t.d. talað um að rétturinn til að byggja eina íbúð geti gengið kaupum og sölum á bilinu 6–8, jafnvel 10 milljónir króna, bara rétturinn til að fá að byggja. Það sýnir hvers konar ástand hefur skapast,“ sagði Bjarni Benediktsson fjármálaráðherra á Alþingi fyrr í dag. Hann var að svara fyrirspurn Loga Einarssonar um húsnæðismarkaðinn

„Það er ekki hægt að taka umræðu um húsnæðisverð á Íslandi án þess að benda á hversu hátt hlutfall af heildarbyggingarkostnaði nýrra bygginga lóðaverðið er. Það er mikil breyting frá því sem áður var þegar fólk fékk jafnvel úthlutað lóðum án kostnaðar, án þess að greiða fyrir. En nú er þetta orðinn sjálfstæður tekjustofn hjá sveitarfélögunum og það er auðvitað mjög mikið vandamál þegar skapast skortur á sama tíma og við sjáum verðið rjúka upp, eins og menn þekkja,“ sagði ráðherrann.

Logi spurði Bjarna hvort hann telji að vextir geti orðið jafn lágir og eru annars staðar á Norðurlöndunum og hvort hann sjái fyrir sér einhverja möguleika á því að losna við verðtryggingu með íslenskri krónu.

Þú gætir haft áhuga á þessum

Bjarni svaraði einnig spurningu um vexti: „Vextir hafa lækkað mjög mikið. Við höfum aldrei í sögunni haft lægri raunvexti á húsnæðislánum en einmitt í dag. Það er niðurstaða eftir góðan árangur í opinberum fjármálum á undanförnum árum.

Spurt er: Geta vextir verið lægri á Íslandi en í öðrum löndum? Já, ég get nefnt dæmi. Ef það væri mikil verðbólga og mikill hagvöxtur í öðrum löndum en engin verðbólga og samdráttur á Íslandi þá get ég lofað háttvirtum. þingmanni að vextirnir væru lægri hér. En þegar það er mikill hagvöxtur á Íslandi og enginn í Evrópusambandsríkjunum þá eru allar líkur á því að vextir séu hærri á Íslandi en þar.“


Booking.com

Tengdar fréttir sem þú gætir haft áhuga á að lesa: