- Advertisement -

Bjarni: Kúvending Sigmundar Davíðs og Gunnars Braga

Það er því rík innistæða fyrir því að segja þá tvo hafa algerlega skipt um skoðun.

Bjarni Benediktsson ætlar ekki að láta Sigmund Davíð eiga neitt inni hjá sér og svarar fullum hálsum:

„Fínn fundur í Valhöll í dag.

Sigmundur Davíð hefði verið velkominn þangað. Við áttum ágætt samstarf um mikilvæg framfaramál í ríkisstjórn á sínum tíma.

Þú gætir haft áhuga á þessum

Það hefði mögulega komið í veg fyrir að hann færi með rangt mál um efni fundarins, eins og hann gerir hér á fb í dag, einkum um það sem ég sagði um stöðu orkupakkamálsins þegar hann var forsætisráðherra og Gunnar Bragi utanríkisráðherra.

Á þeim tíma birtist stefna stjórnarinnar í minnisblöðum sem lögð voru fyrir þingið. Þau eru hér í viðhengi.

Afstaða utanríkisráðuneytisins í tíð Gunnars Braga og Sigmundar Davíðs var sú að málið stæðist stjórnarskrá, að íslenskra hagsmuna hafi verið gætt í hvívetna og að ljúka bæri málinu með samþykkt í sameiginlegu EES nefndinni. Með öðrum orðum að stefnt skyldi að innleiðingu.

Þingið skoðaði málið í tveimur þingnefndum og samþykkti að málið héldi áfram. Stjórnarmeirihluti Framsóknar og Sjálfstæðisflokks var sem sagt sammála um þetta. Í framhaldinu var málið afgreitt í sameiginlegu EES nefndinni. Í því fólust fyrirheit um að innleiða málið í lög, með eðlilegum fyrirvara um frekari aðkomu Alþingis.

Það er því rík innistæða fyrir því að segja þá tvo hafa algerlega skipt um skoðun í málinu og blekking eða í besta falli útúrsnúningur þegar Sigmundur Davíð segir í dag: „en við innleiddum hann ekki.”“

https://www.althingi.is/alt…/…/149/fylgiskjol/s1237-f_IX.pdf

Booking.com

Auglýsing

Tengdar fréttir sem þú gætir haft áhuga á að lesa: