- Advertisement -

Dagur: „Sjálfstæðisflokkurinn klofnaði“

Dagur B. Eggertsson:

„Sjálfstæðisflokkurinn í borgarstjórn klofnaði enn og aftur í atkvæðagreiðslu um lykilmáli í gærkvöldi – að þessu sinni um það að auglýsa deiliskipulag fyrir Laugaveg – göngugötu. Allur flokkurinn – líkt og þorri borgarstjórnar studdi það fyrir ári að hefja undirbúning þessarar breytingar en Eyþór Arnalds skipti á dögunum um skoðun í afgreiðslu skipulagsráðs á útfærðri tillögu. Vísaði Eyþór til þess að fram hefði komið andstaða við áformin. Hildur Björnsdóttir og Katrín Atladóttir, hinir tveir fulltrúar Sjálfstæðisflokksins, studdu málið hins vegar með sérstakri bókun. Katrín var fjarverandi í gær en Hildur hélt sínu striki og bókaði afstöðu sína. Það er ólíkt meiri reisn yfir því að halda sinu striki en að sveiflast eftir því sem vindar blása. Í Fréttablaðinu í morgun birtir Hildur svo þessa vel rökstuddu og skýru grein þar sem réttilega er bent á fjölda dæma um það að göngugötur og gott skipulag fyrir mannlíf er besta leiðin til að bregðast í miklum breytingum í verslun. Það er sú borgarþróun sem hefur sannað sig að vera árangursríkust og farsælust. Og það er sú leið sem Reykjavík er að fara. Mæli með greininni.“


Booking.com

Auglýsing

Tengdar fréttir sem þú gætir haft áhuga á að lesa: