Davíð blöskrar kvótabrask

Þá er ekkert annað að gera en kaupa kvóta af stórútgerðunum.

Davíð Oddsson, þeim sama og er treyst fyrir dagblaði stórútgerðanna, blöskrar viðskipti með kvóta. Ekki fiskkvóta, ekki óveiddan fisk í sjónum okkar. Nei, það er annars konar kvótasala sem hneykslar ritstjórann.

„Um helg­ina var greint frá því í frétt­um að ít­alski bíla­fram­leiðand­inn Fiat hefði keypt los­un­ar­heim­ild­ir fyr­ir mörg hundruð millj­ón­ir doll­ara af raf­bíla­fram­leiðand­an­um Teslu til að kom­ast hjá því að fá sekt­ir frá fram­kvæmda­stjórn Evr­ópu­sam­bands­ins,“ stendur skýrum stöfum í leiðara dagsins í Mogganum.

Þetta er nánast daglegt brauð hér á landi. Auðvitað hendir að fiskiskip fái í veiðarfærin fisktegund sem það á ekki kvóta fyrir. Þá er ekkert annað að gera en kaupa kvóta af stórútgerðunum. Annars fer illa. Seljandinn ræður oftast verðinu.

„Fyr­ir­tæki fá los­un­ar­kvóta og þeir ganga síðan kaup­um og söl­um þannig að fyr­ir­tæki, sem menga lítið, geti selt fyr­ir­tækj­um, sem menga mikið, los­un­ar­heim­ild­ir sín­ar,“ skrifar ritstjórinn. Og þá er gott að rifja upp að hér fá fá fyrirtæki ofgnótt fiskkvóta sem síðan er seldur til þurfandi.

Ekki er öll vitleysan eins, eða hvað?