- Advertisement -

Davíð skýtur á Steingrím J.

Steingrímur J. Sigfússon.

Davíð Oddsson skýtur miðlungsþungu höggi á forseta Alþingis í Staksteinum dagsins.

Davíð rifjar þar upp þekkt augnablik úr þingsögu Steingríms J. Sigfússonar, Davíð skrifar: „Og kæmi ráðherra ekki í sal gætu þeir öskrað út í nótt­ina og þingsal­inn að sá ráðherra, sem ekki mætti og hlustaði á sömu ræðuna í 10. sinn, væri „drusla og gunga“ eins og SJS gerði svo smekk­lega í maí 2004.“

Alkunna er að Steingrímur á mikilli flækju í embætti vegna málþófs Miðflokksins.

Þú gætir haft áhuga á þessum

Davíð: „Í frétt­um seg­ir að upp­lausn­ar­ástand sé á þingi vegna eft­ir­spurn­ar eft­ir umræðu um orkupakka 3, en pökk­un­um 1 og 2 var lætt í gegn umræðulaust og það lúa­lag átti einnig að nota nú. Eft­ir­far­andi er haft eft­ir Stein­grími J. Sig­fús­syni, for­seta þings­ins: „For­seti vill nú upp­lýsa að þing­fund­ur hef­ur staðið hér á Alþingi í rétt­an sól­ar­hring og reynd­ar nokkr­um mín­út­um bet­ur.“

Hér áður voru næt­ur­fund­ir al­geng­ir en þó oft­ast reynt að beita þeim ekki gróf­lega gagn­vart einu ákveðnu mál­efni.

Sé þingið komið út í ógöng­ur nú má leita til þing­manns með mesta þingreynslu og þess þing­manns sem hvað lengst hef­ur talað sam­tals í „málþófi“. Reynslu­bolt­arn­ir tveir og for­seti þings gætu fljótt komið með til­lögu að lausn því þeir þrír eru einn og sami maður­inn. Gætu þeir gefið málþófs­mönn­um kost sem þeir gætu ekki hafnað: Þeir mættu hver og einn tala jafn lengi nú og sá sem lengst hef­ur talað á þing­tíma sín­um en ekki leng­ur.

Þá gæti komið í ljós að nú­ver­andi ræðumenn mættu tala vel fram í júlí, og leng­ur séu andsvör tal­in með. Þeir gætu einnig kraf­ist þess að „viðkom­andi ráðherra“ sæti öll­um stund­um yfir „málþófinu“.“


Booking.com

Auglýsing

Tengdar fréttir sem þú gætir haft áhuga á að lesa: