Stjórnmál: Víða má finna umræðu um framgöngu stjórnarandstæðinga vegna frumvarps um veiðar á grásleppu. Stefán Jónasson er meðal þeirra sem er ósáttur. Hann skrifaði:
Sjálfstæðisflokkurinn er alveg búinn að gleyma tryggum kjósendum sínum í þessu grásleppukvótamáli. Skv. könnun hjá Maskínu vill miklu meira en 70% þjóðarinnar efla smábátaútgerð og styrkja þannig byggðir landsins. Það gerist ekki með því að gefa grásleppukvótann til fárra útvaldara sem síðan selja hann frá byggðunum eins og gerðist með kvótakerfinu. Þetta vita allir að það mun endurtekið gerast þegar komið er kvótakerfi á grásleppu.
Lærum af mistökum og ekki fleiri kvótakerfi, nýir aðilar í smábátaútgerð verða að geta átt innöngu í greinina án þess að fæðast með gullskeið í munni. Hér eru sjálfstæðismenn að rústa kjörorðinu „stétt með stétt“. Með grásleppukvótanum voru Sjálfstæðismenn að hygla þeirri stétt sem mest má sín í þjóðfélaginu og er með fæst atkvæðin. Þetta upphaflega grásleppufrumvarp Jóns Gunnarsonar var algjört klúður og skýrir að hluta til fylgistap flokksins í síðustu kosningum og nú í skoðanakönnunum þegar verið er að verja málstað sem kjósendum er ekki þóknanlegur. Strandveiðar eru umhverfisvænar og þær þarf að efla, það gerist ekki með nýjum kvótakerfum.
Í Noregi geta ungir menn og konur byrjað útgerð smábáta án þess að kaupa kvóta og hafa hvatningu stjórnvalda til þess, annað en hérna á Íslandi þar sem endalaust er reynt að leggja stein i götu smábátaútgerða og bátar okkar bundir við bryggju c.a 95% af árinu og engin fyrirsjáanleiki. Í Noregi er þetta þannig að ef ef samdráttur í stofnstærðum fisktegunda eins og t.d. þorsks þá er það látið fyrst bitna á stóru útgerðunum og þá reynt að skerða ekkert eða lítið aflaheimildir til smærri útgerða. Hvað segir þetta okkur um hugsunarhátt Norðmanna um gildismat þeirra á virði smábátaútgerða fyrir samfélögin og strandmenninginna?
Ekki gleyma því að Ísland byggðist upp á landbúnaði og strandveiðum smærri báta, þar sem allir sem vettlingi gátu valdið máttu fara á sjó og veiða fisk. Þetta er okkar frumbyggjaréttur að mega sækja fisk á litlum bátum óháð kvóta til stærri útgerða.“
