- Advertisement -

Frímann fokillur út í Sómasamlokur: „Made with love. Ojjj!“

F´rimann nokkur átti varla til orð þegar hann keypti sér svokallaða vegan-hollustusamloku frá Sóma í vikunni. Þegar hann opnaði samlokuna og athugaði betur innihaldið trúði hann vart sínum augum. „Hvað er þetta?“, „Sorglegt“, „Drasl“, „Já hérna“ og „Ojjj“ eru meðal viðbragða vegan-fólks á Íslandi.

Frímann segir frá viðskiptunum í fjölmennu vegan-samfélagi á Facebook og birti þar þessa mynd af hollustulokunni frá Sóma:

Svona er vegan-hollustulokan frá Sóma. Hvað segja neytendur, er þetta boðlegt?

Fjölmargir meðlimir furða sig á innihaldi samlokunnar og flestir segja hana alls ekki þess virði að kaupa hana´ úti í búð. Bjarni er einn þeirra. „Ekki mjög spennó! Gæti sjálfur gert 10x betri,“ segir hann.

Friðrik tekur í sama streng. „Þetta er ekki girnilegt og ekki þess virði að borga fyrir, auðvelt að gera betur sjálf/ur,“ segir Friðrik.

Heiður er hins vegar sátt með samlokuna. „Ég verð að verja þessa samloku vinkonu en hún hefur oft bjargað mér þegar ég er á ferð og hef ekki tíma í að græja sjálf. Hún er einföld og skilar sínu, en ef hún er dagsgömul er hún farinn að súrna“, segir Heiður.


Tengdar fréttir sem þú gætir haft áhuga á að lesa: