– Óumdeilanlegt er að staða okkar í alþjóðlegu samstarfi og innan Evrópusamstarfsins mun hvíla á sterkari grunni að loknu slíku ferli. –
Bjarni Benediktsson og Illugi Gunnarsson.
Hrunið: „Bjarni Benediktsson og Illugi Gunnarsson, þingmenn
Sjálfstæðisflokksins, vilja að Ísland hefji aðildarviðræður við Evrópusambandið
og að ákvörðun um inngöngu verði borin undir þjóðaratkvæði.“ Svona hófst
forsíðufrétt Fréttablaðsins 13. desember 2008.
Þarna hafði Ísland nýlega gengið í gegnum bankahrun, ríkisstjórn Sjálfstæðisflokks og Samfylkingar var enn við völd, löskuð þó, og þeir Bjarni og Illugi ungir og upprennandi í þingflokki þess fyrrnefnda. Mikil óvissa var uppi um framtíð íslensks efnahagslífs og íslensku krónunnar, en gengi hennar hafði hríðfallið mánuðina á undan sem þrátt fyrir verðbólgubál gaf vonir um sterkari stöðu útflutningsgreina.
„En sé horft til lengri tíma er hætt við að krónan verði okkur fjötur um fót,“ skrifuðu Bjarni og Illugi. „Sá sveigjanleiki sem krónan veitir okkur til að kljást við afleiðingar mistaka í hagstjórn eða til að bregðast við ytri áföllum á sér því miður þá skuggahlið að vera sveifluvaldandi og geta ýtt undir óstöðugleika í hagkerfinu.
Í samræmi við ríka lýðræðishefð í Sjálfstæðisflokknum að láta málið ganga til þjóðarinnar.
Sjálfstæðisflokksins telur að hagsmunum þjóðarinnar sé enn betur borgið utan ESB væri það engu síður mjög í samræmi við ríka lýðræðishefð í Sjálfstæðisflokknum að láta málið ganga til þjóðarinnar í kjölfar viðræðna, þar sem ítrustu hagsmuna hefur verið gætt. Varðstaða um auðlindir þjóðarinnar skiptir þar höfuðmáli.
Óumdeilanlegt er að staða okkar í alþjóðlegu samstarfi og innan Evrópusamstarfsins mun hvíla á sterkari grunni að loknu slíku ferli. Hér ber einnig að líta til þess að samningur við ESB er hinn endanlegi úrskurður um þær reglur og undanþágur sem gilda eiga við inngöngu Íslands í ESB. Þó að meginlínurnar um þessi efni séu skýrar er viðvarandi ágreiningur um ýmsa mikilvæga þætti, svo sem mögulega stjórn Íslendinga á sérstökum fiskveiðisvæðum, yfirráð veiðiheimilda úr staðbundnum stofnum, heimildir til takmarkana á fjárfestingu og fjölmörg fleiri atriði.
Þær sérstöku aðstæður sem nú eru uppi kalla á að þjóðin öll taki í kjölfar aðildarviðræðna ákvörðun um þetta mikilvæga mál. Ræður þar úrslitum að halda ber á hagsmunum Íslendinga gagnvart Evrópusambandinu með það að leiðarljósi að sem víðtækust sátt og samstaða takist um niðurstöðuna.“
