Það er ekki að ástæðulausu að Ísland hefur tekið sæti í Mannréttindaráði SÞ.
Halldór Árni Sveinsson skrifaði:
Vaskir sveinar „stoðdeildar“ Ríkislögreglustjóra unnu enn eina manndáðina í skjóli nætur, í umboði Útlendingastofnunar og hins víðsýna og réttláta dómsmálaráðherra. Með læknisvottorð upp á að allt í lagi væri að henda kasóléttri ungri konu með tveggja ára barn að auki upp í flugvél, þrátt fyrir aðvaranir ljósmæðra á Mæðravernd. Vonandi fá þessir laganna verðir vel greitt fyrir útkallið – og veglegan lífeyrisauka ef þeir skrifa upp á stuðningsyfirlýsingu við Halla Jó í leiðinni. Já og rukka flóttafólkið um kílómetragjald bílaleigu Ríkislögreglustjóra til Keflavíkur og til baka.
Það er ekki að ástæðulausu að Ísland hefur tekið sæti í Mannréttindaráði SÞ, enda fremst allra þjóða í mannúð og miskunnsemi. Ísland er best – ískalt!
Fyrirsögnin er Miðjunnar.