- Advertisement -

Hjalti Jón Sveinsson kjörinn formaður

Mennun Hjalti Jón Sveinsson, skólameistari Verkmenntaskólans á Akureyri, hefur verið kjörinn formaður Félags íslenskra framhaldsskóla og Skólameistarafélags Íslands.

„Afráðið var að einn formaður skyldi starfa fyrir bæði félögin fram til næsta aðalfundar. Tímanum yrði meðal annars varið til þess að endurskoða lög félaganna og jafnvel með hliðsjón af því hvort þau verði sameinuð að öllu eða nokkru leyti sem eitt félag stjórnenda í framhaldsskólum. Fundarmenn voru sammála um að á tímum mikillar þróunar og breytinga á vettvangi framhaldsskólanna væri mikilvægt að einn og sami aðilinn væri í forsvari fyrir skólastigið,“ segir á heimasíðu Verkmenntaskólans.

Ársæll Guðmundsson, skólameistari Iðnskólans í Hafnarfirði, gaf ekki kost á sér til áframhaldandi setu sem formaður SMÍ, þar eð hann fer í ársleyfi til þess að vinna að sérstökum verkefnum fyrir Mennta- og menningarmálaráðuneytið. Guðrún Hrefna Guðmundsdóttir, skólameistari Fjölbrautaskólans í Breiðholti, gaf ekki kost á sér til áframhaldandi setu sem formaður FÍF en mun sitja áfram í stjórn.

Hjalti Jón Sveinsson, skólameistari Verkmenntaskólans á Akureyri, var kjörinn formaður beggja félaganna.


Tengdar fréttir sem þú gætir haft áhuga á að lesa: