Skyldi framkvæmdastjóri SA segja það sama um bankastjóranna sem eru í stjórn og fulltrúaráði SA.
„Höskuldur Ólafsson bankastjóri Arion banka var með tæpar 6 milljónir í mánaðarlaun árið 2017 og Birna Einarsdóttir, bankastjóri Íslandsbanka var með tæpar 5 milljónir á mánuði árið 2017,“ segir Vilhjálmur Birgisson, formaður VLFA og varaforseti ASÍ.
„Rétt að geta þess að Höskuldur Ólafsson situr í fulltrúaráði Samtaka atvinnulífsins og Birna Einarsdóttir situr í aðalstjórn Samtaka atvinnulífsins.
En eins og fram kom í fréttum í gær gagnrýndi Halldór Benjamín Þorbergsson framkvæmdastjóri Samtaka atvinnulífsins harðlega og réttilega ákvörðun bankaráðs Landsbankans um að hækka laun Lilju Bjarkar Einarsdóttur bankastjóra uppí 3,8 milljónir á mánuði eða sem nam 82%.“
Og Vilhjálmur heldur áfram:
„Framkvæmdastjóri SA sagði orðrétt í gær: „Að þetta gerist hjá banka í eigu ríkisins gengur þvert á vilja eiganda bankans og er í senn óskynsamleg og óverjandi ákvörðun að mínu mati.“
Hvað skyldi Halldór Benjamín framkvæmdastjóri Samtaka atvinnulífsins segja núna þegar bankastjórar sem sitja m.a í fullráði og aðalstjórn Samtaka atvinnulífsins eru 5 og 6 milljónir í mánaðarlaun eða sem nemur allt að 58% hærri laun en þau laun sem bankastjóri Landsbankans er með?
Skyldi framkvæmdastjóri SA segja það sama um bankastjóranna sem eru í stjórn og fulltrúaráði SA og hann sagði í gær um laun bankastjóra Landsbankans það er að segja að sú „launahækkun sé í senn óskynsamleg og óverjandi ákvörðun að mínu mati.“
