- Advertisement -

Íbúðarverð tvöfalt hærra í Reykjavík

…enda hefur borgin fylgt húsnæðisáætlun markvisst á undanförnum árum.

Oddvitarnir Eyþór og Dagur.

„Enn er mikill skortur á hagstæðu húsnæði á almennum húsnæðismarkaði í Reykjavík og fólk flytur áfram í nágrannasveitarfélög og jaðarkjarna. Eykur þessi þróun enn á samgöngu- og húsnæðisvandann. Fermetraverð nýbygginga er tæplega 380.000 kr. í Árborg en fer varla undir 600.000 kr. í Reykjavík. Dæmi eru um 100% hærra fermetraverð í Reykjavík en í Árborg. Fjölgun í Árborg er hlutfallslega margföld á við íbúaþróun í Reykjavík. Á meðan húsnæðisverð er svona hátt í Reykjavík útilokar það stóran hluta af kaupendamarkaðnum: Venjulegt fólk.“

Þannig bókuðu fulltrúar Sjálfstæðisflokksins í borgarráði. Tilefnið var þessi bókun meirihlutans: „Húsnæðisáætlun Reykjavíkurborgar er lögð fram að nýju uppfærð frá fyrra ári. Í nýjum tölum kemur meðal annars fram að fjölgun nýrra íbúða er að eiga sér stað í nær öllum póstnúmerum í Reykjavík og uppbygging íbúða er langmest í Reykjavík af sveitarfélögunum á höfuðborgarsvæðinu. Það er engin tilviljun enda hefur borgin fylgt húsnæðisáætlun markvisst á undanförnum árum. Íbúðir fyrir almennan markað eru fjöldamargar og á sama tíma sjáum við að stúdentaíbúðum, íbúðum fyrir eldri borgara og íbúðum verkalýðshreyfingarinnar fer hratt fjölgandi. Húsnæðisáætlun er í samræmi við fyrirætlanir borgarinnar í Aðalskipulagi 2010-2030 og er uppbyggingin í miklu samræmi við þróunarás borgarlínu.“

Þú gætir haft áhuga á þessum

Booking.com

Tengdar fréttir sem þú gætir haft áhuga á að lesa: