Davíð Oddsson í leiðara dagsins: „Fjölmiðlar hafa víða fallið djúpt á flestum prófum seinustu misseri.“
Að venju byrjaði ég að lesa leiðara Moggans aftan frá. Tilvitnunin hér að ofan er niðurlag leiðara Moggans í dag. Ég spenntist. Uppgjör? Stórkostlegt fall Moggans tekið fyrir?
Nei, þetta var þá að vestan. Og það er rétt sem segir í leiðaranum að Demókratar færðu Trump ómetanlega gjöf. Hann er er eini forseti Bandaríkjanna sem hefur verið ákærður tvisvar af þinginu, sem er ekki gott í sjálfu sér, en um leið er hann sá eini sem hefur verið sýknaður tvisvar.
Þar sem hér eru þingmenn með hjarðdýr. Fylgja flokkslínum frekar en eigin vilja og skoðunum. Því var vita vonlaust að nógu margir þingmenn Repúblikana myndu sakfella Trump.
Sem rifjar Landsdómsmálið hér á landi. Við mig sagði Bjarni Benediktsson, nokkuð æstur, að þeim yrði aldrei fyrirgefið sem sakfelldu Geir H. Haarde. Hann hefur étið það ofan í sig. Eða selt fyrir stærri bita? Íslensk stjórnmál snúast oftar um hagsmuni en hugsjónir.
-sme
