Jóhannes Þór er í skítadjobbi

Jóhannes Þór Skúlason, framkvæmdastjóri Samtaka fyrirtækja í ferðaþjónustu. Hann kýs sérstaka leið til að svara fyrir stórkostlegan launaþjófnað ferðaþjónustufyrirtækja. Í stað þess að tala um það sem vel er gert kýs Jóhannes Þór að nálgast staðreyndirnar með allt öðrum hætti. Með réttlætingu.

„Í ungri at­vinnu­grein á borð við ferðaþjón­ust­una má gera ráð fyr­ir að tíma geti tekið fyr­ir þá sem ný­byrjaðir eru í starf­semi að átta sig á regl­um, meðferð kjara­samn­inga og öðru slíku.“ Þetta er bein tilvitnun í forsíðufrétt Moggans. Þetta eru galin sjónarmið hjá Jóhannesi. Kjarasamningar eru ekki það flóknir að meðalmaðurinn geti ekki lesið þá, og skilið. Aumt yfirklór.

Launaþjófnaður er hreint ömurlegur. Þau sem verst standa eru helst fórnarlömb óheiðarlegs fólks. Jóhannes Þór verst enn.

„Þegar um okk­ar fé­lags­menn er að ræða, þá er gjarn­an um heiðarleg mis­tök að ræða eða menn átta sig ekki á því hvernig regl­urn­ar standa. Við höf­um lagt áherslu á að koma rétt­um skila­boðum til viðkom­andi aðila um að afla sér þekk­ing­ar um hvernig eigi að gera hlut­ina og laga það sem laga þarf,“ seg­ir Jóhannes Þór við Moggann.

Áður var Jóhannes Þór aðstoðarmaður Sigmundar Davíðs og var þá oftast kallaður Jóhannes útskýrari. Hann hefur engu gleymt. Jóhannes Þór er í skítadjobbi.