Katrín kom sér í afleidda stöðu

Það eitt að Katrín Jakobsdóttir lét hjá leggjast að lesa greinargerð ríkislögmanns. Sem er þó á hennar forræði. Þetta er afleitt. Með öllu. Katrín á einn leik í þröngri stöðu. Honum verður leikið í dag.

„Þar sem ráðherra baðst af­sök­un­ar á fyrra rang­læti sem hinir sýknuðu urðu að þola væri ágætt að hún yki ekki á það sjálf.“ Þetta segir í Moggagrein sem Hilm­ar Garðars Þor­steins­son lögmaður skrifar.

Framsetning ríkislögmanns er á ábyrgð Katrínar og staða hennar er verri fyrir að hafa ekki hirt um að lesa greinargerðina. „Af hálfu ís­lenska rík­is­ins er öll­um ávirðing­um gagn­vart lög­reglu og dóm­stól­um, svo og ásök­un­um um meinta refsi­verða hátt­semi, lög­reglu, ákæru­valds og dóm­stóla hafnað enda ósannaðar með öllu,“ segir þar.

Í dag kemur í ljós hvað Katrín hyggst gera til að bjargar málinu – og sjálfri sér. Kemst hún út úr þessu ömurlega klúðri?

Ekki má gleyma að málið snýst ekki um Katrínu. Alls ekki.