- Advertisement -

Katrín svaraði Loga fullum hálsi

„Tala ég fyrir því erlendis? Já.

Tala ég fyrir því hér heima? Já.“

„Evrópskir vinstriflokkar deila grundvallargildum um mannlega reisn, frið, algild mannréttindi og mikilvægi félagslegrar verndar…“

„Þetta sagði hæstvirtur forsætisráðherra í nýútkomnu erlendu fræðiriti. Hún kallaði jafnframt eftir því að framsæknar hreyfingar og vinstri flokkar sameinist um að hrinda af stað róttækum, framsæknum og lýðræðislegum breytingum, pólitískum og félagslegum. Þótt vinstri flokka greini á um margt sé það skylda þeirra á viðsjárverðum tímum að vinna saman að því að leita lausna.“

Það formaður Samfylkingarinnar, Logi Einarsson, sem sagði þetta á Alþingi fyrir augnabliki. Ekki stóð á svarinu:

Þú gætir haft áhuga á þessum

„Ég þakka háttvirtum þingmanni fyrir að ræða þessi grundvallarmál en ég er þó ekki sammála þeirri forsendu sem hann gefur sér í lok spurningar sinnar. Finnst mér að þriggja þrepa skattkerfi með lægri skattbyrði á lágtekjufólk sé félagslegt mál sem skipti allan almenning máli? Já. Finnst mér að lengra fæðingarorlof fyrir ungt fólk sem er að eignast börn skipti máli til að bæta lífskjör almennings? Já. Finnst mér að félagslegt húsnæðiskerfi skipti máli fyrir fólk sem hefur ekki haft efni á að koma sér þaki yfir höfuðið? Já, það finnst mér. Finnst mér skipta máli að innleiða ýmis réttindamál? Ég get nefnt frumvarp um kynrænt sjálfræði sem liggur fyrir þinginu. Síðast í fréttum í gær vorum við minnt á hversu miklu skiptir að bæta réttarstöðu trans- og intersexfólks og er vonandi að Alþingi ljúki þeirri afgreiðslu. Já, mér finnst það skipta máli. Finnst mér skipta máli að draga úr greiðsluþátttöku í heilbrigðiskerfinu, sem er eitt af því sem bent hefur verið á af Alþjóðaheilbrigðismálastofnuninni að sé eitt stærsta jafnaðarmál samtímans? Já. Finnst mér skipta máli að vinstri flokkar beiti sér fyrir þeim málum, hvernig sem þeir gera það, til að ná árangri fyrir almenning í landinu? Já, mér finnst það. Tala ég fyrir því erlendis? Já. Tala ég fyrir því hér heima? Já.“


Booking.com

Tengdar fréttir sem þú gætir haft áhuga á að lesa: