Þeir sem vilja breytingar ættu að stinga upp á „þróun“ fremur en „byltingu“.
Ragnar Önundarson skrifar:
Stundum rámar menn í að kvótinn sé „veðsettur“. Hann er reyndar ekki veðhæfur, en menn þinglýsa kvöð á skip / báta um að kvóta megi ekki færa af skipinu / bátnum án samþykkis veðhafa. Hver nýr togari kostar milljarða. Dettur einhverjum í hug að unnt sé að fá milljarða að láni út á verkefnalaus tæki?
Án þessa fyrirkomulags hefði ekki verið unnt að endurnýja flotann, hann hefði orðið gamall og úreltur, í samanburði við flota samkeppnislandanna. Dettur einhverjum í hug að stjórnvöld muni vilja setja þessa gjaldeyrisaflandi grein í uppnám? Svarið er nei, öskrað hefur verið á afnám kvótans í áratugi, en það hefur ekki haft nein áhrif. Þeir sem vilja breytingar ættu að stinga upp á „þróun“ fremur en „byltingu“.