Gylfi Magnússon, hagfræðingur við Háskóla Íslands, skrifar stutta athugasemd, eða jafnvel leiðréttingu:
„Er ekki lágmarkskrafa til þeirra sem bjóðast til að hafa eftirlit með eftirlitsstofnunum að þeir kunni á Excel? Í fréttinni eru m.a. lagðar saman 14 tölur sem eiga að tákna fjölda starfsmanna í þessum geira 2010 og niðurstaðan sögð vera 226,5 þegar störfin voru í raun 554,5. Störfin 2014 eru svo sögð vera 347 þegar þau voru í raun 600 skv. þeirra eigin töflu. Svo eru dregnar af þessu stórkarlalegar ályktanir með samanburði við tölurnar fyrir 2018 (þar sem virðist hafa tekist að slá rétt inn)!“
