Oft hef ég farið með bíla í þrif hjá Löðri, helst á Grandanum. Þess vegna kaupi ég kort. Ávallt hefur mér verið sagt að sérstakur felguþvottur fylgi með þegar notast er við kortin. Svo hefur oftast verið.
Nú er öldin önnur. Enginn felguþvottur og annað sem er ekki síður eftirtektarvert. Í tvö síðustu skipti hafa starfsmenn ekki forþvegið hægri hlið bílsins, aðeins þá vinstri. Og það með hangandi hendi.
Í morgun var ég að hugsa um að hafa orð á þessu en nennti ekki að taka þátt í þeirri ólund sem skein úr andlitum starfsmanna. Það vantar mikið hjá Löðri þegar Teitur Minh Phuoc Du er ekki til staðar. Það sem hann segir stendur.
Þú gætir haft áhuga á þessum
